Firefox OS доаѓа во Македонија
Хакатон и презентации за програмери со мобилната лисица ќе се случи на 10 мај 2014 год. во просториите на ФИНКИ.
Следете нѐ на @Mozilla_MK.
Програма за настанот
Овој настан е отворен за сите оние кои сакаат да се запознаат со Firefox OS и да научат за развојот на апликации. Во текот на настанот ќе биде организирана и работилница каде учесниците ќе можат со помош на менторите да изработат апликација за Firefox OS.
Потребно е да имате основни познавања од HTML, CSS и JavaScript, и заедно со Firefox прелистувач на вашиот лаптоп тоа е сè што ќе ви биде потребно за да ja изработите апликацијата.
| 09.00 - 10.00 |
РегистрацијаПријавете се и подгответе се. |
|---|---|
| 10.00 - 10.30 |
ДобредојдеВоведен говор на претставник на Mozilla. |
| 10.30 - 11.00 |
Поставување на развојна околина со симулаторот на Firefox OSСимулаторот за Firefox OS е основна алатка за развој на апликации. Пред да започнеме со кодирање ќе се осигураме дека секој правилно ја има поставено својата развојна околина и е подготвен за кодирање. |
| 11.00 - 12.30 |
Кодирање - прв делЗапочнуваме со кодирање! Менторите ќе ве упатат како да започнете со развојот на апликацијата. |
| 12.30 - 13.30 |
Ручек и кратки инспиративни говориУживајте во ручекот и слушнете ги кратките говори на менторите на различни теми. |
| 13.30 - 15.00 |
Кодирање - втор делПродолжуваме со кодирање, онаму кај што застанавме во првиот дел. |
| 15.00 - 15.30 |
Разговор за технологијата позади Firefox OSГовор на претставник на Mozilla за технологијата позади Firefox OS. |
| 15.30 - 16.30 |
Кодирање - трет делДодавање на последните финеси и завршување на апликацијата. |
| 16.30 - 17.30 |
Презентација и преглед на изработените апликацииПокажете го она на што сте работеле во текот на денот. |
| 17.30 - |
Забава!Се упатуваме заеднички да го прославиме сработеното во текот на денот! |
Повик за ментори
Ако имате искуство во програмирање, се снаоѓате во JavaScript и HTML тогаш можете да бидете ментор на овој настан. Пред настанот ќе организираме краток тренинг за сите ментори да се запознаат со деталите за спроведувањето на програмата.
Покрај програмерски вештини ќе ви треба и трпение и посветеност. Ќе треба да дојдете први на настанот и да останете со вашите ученици до самиот крај.
Повик за учесници
Ако сакате да се запознаете со FirefoxOS и знаете како да напишете "Hello World" во HTML и JavaScript тогаш можете да се пријавите! Местата се ограничени на 40 и пријавите важат по принципот кој прв.
Треба да дојдете со ваш лаптоп и желба за учење. Ние ќе обезбедиме кафе и колачиња.
Често Поставувани Прашања (ЧПП)
Каде се одржува настанот?
Соба 117 во зградата на Технолошко-металуршкиот факултет (ул. „Руѓер Бошковиќ“ 16). Штом ќе стигнете во објектот следете ги знаците со познатото лого на Firefox.
Кога се одржува настанот?
На 10 мај 2014 година со почеток во 9 часот наутро.
За кого е наменет настанот?
Настанот е наменет за програмери заинтересирани за програмирање на мобилни уреди. Знаењата базирани на отворени стандарди и технологии (HTML5, JavaScript) ќе ви користат и за други платформи освен Firefox OS.
Кој може да учествува?
Настанот е планиран за 40 учесници кои треба да поминат низ процесот на пријавување. Ако не се пријавите, а сте љубопитни, сепак можете да нѐ посетите.
Која е потребната опрема за учество?
Задолжително носете ваш лаптоп и полнач.
Мапа
Известување за медиуми
Запознавање со Firefox OS во Македонија
Mozilla Македонија
26 април 2014 год.
Скопје – Локалната заедница на Mozilla со поддршка на Mozilla Inc. на 10 мај 2014 година ќе одржи настан за претставување и запознавање на FirefoxOS со домашната програмерска заедница.
Еднодневниот настан ќе им овозможи на учесниците директно (hands-оn) запознавање со новите технологии за мобилни уреди од Mozilla - FirefoxOS.
FirefoxOS e нов оперативен систем за мобилни телефони кој ја носи моќта на отворената мрежа на мобилните уреди и со тоа ќе им овозможи поголема приватност, слобода и контрола во секојдневното мобилно искуство.
Настанот ќе се одржи во просториите на ФИНКИ, ул. „Руѓер Бошковиќ“ 16, соба 117.
За повеќе информации посетете го firefoxos.mozilla.mk или контактирајте нѐ.
За Mozilla Македонија
Mozilla Македонија е група на волонтери од Македонија која помага во ширењето на вредностите што Mozilla ги промовира и технологите што ги произведува со цел да помогнат на луѓето да го контролираат и истражат целиот потенцијал на нивните животи на интернет.
За Mozilla
Mozilla е светска заедница на технологисти, мислители и градители кои што работат заедно за да го одржат интернет жив и достапен, така што луѓето од целиот свет ќе можат да бидат информирани создавачи и придонесувачи на мрежата. Веруваме дека овој чин на човечка соработка на отворена платформа е суштински за поединечен развој и нашата заедничка иднина.
Контакт
За повеќе информации контактирајте со
Игор Стаматовски071234233
igor.stamatovski@gmail.com.
Или пак, контактирајте нѐ на contact@mozilla.mk.
Графички материјали
